趙碩之（Wylie）自復工後工作排得密麻麻，除了忙於為電影《我要做o靚模》外，日前更與師妹陳若嵐（Melody）到廣州出席活動，齊齊搵真銀，並且吸引了過百fans圍觀。她說：「今次已經係我第三次嚟廣州工作，每次嚟到都會四圍食嘢，依家對廣州已經開始熟悉。」活動期間，突然有一名外籍fans拿着蒸餾水跪在Wylie面前，以中英文向她說：「Will you marry me？我哋可以有情飲水飽。」Wylie雖然頓時不知所措，但之後卻開玩笑謂：「你遲咗嘞！我尋日啱啱結咗婚。」
對於Angelababy在網上遊戲穿着某校校服事件，Wylie昨晚表示：「我又唔驚喎，我拍《我》片嗰陣都有着校服！其實基本上電影公司叫得我着，我都會信佢，當然我自己都會小心啦，會事先check清楚有無校徽先，如果有嘅就唔好着。」
羅凱珊（Kama）透過公司表示：「其實每次接job前都會問清楚要着咩衫，啲客都會email畀我哋睇啲衫，咁發生咗呢件事，以後一定會更加小心，唔好影響到人哋。」
Janice Man：「關於藝人工作一向都會事前先了解詳情，減低出錯或任何影響到人的問題出現，但有時一個工作涉及多個單位，總之事前會同各方面加強溝通，以不影響藝人為大前提。」
