周秀娜自傳出「獅子開大口」收五萬元拍一組電影後，即被圈中人狂插，事件未平息，周秀娜又被質疑是否夠分量出席科大講座，更掀起一片反o靚模潮，而慘被波及的竟是有「o靚界女神」之稱的Angelababy。

Angelababy日前代言網上遊戲《Baby衫十六變》廣告，遊戲是讓玩家替她換衫，其中一個造型是穿上校服扮「純情四眼學生妹」，大玩校服誘惑，由於她穿的校服上衣的校徽和葵青區天主教母佑會蕭明中學極之相似，被該校學生在facebook聲討，發起「捍衞蕭明校服」的群組，狂轟Angelababy的換衫遊戲令學校蒙上負面形象，引起不良的聯想，更有千多個校友支持。

即時刪除相片

事件惹起軒然大波，本報就事件聯絡天主教母佑會蕭明中學，高副校長回應說：「我哋聯絡咗間遊戲公司，佢哋已經將相片刪除咗，遊戲公司的態度相當好，向校方道歉，佢哋表示唔清楚點解製作公司會將校服相擺上去，依家件事已經解決咗，唔希望傳媒再作報道，勾番起件事令學生唔開心。（知道學生發起反對行動？）舊生同現任學生都有份，亦已經聯絡有關學生，佢哋答應將相關群組刪除，而校方周一亦會向全體學生交代事件。」而昨晚該反Angelababy的facebook群組亦已刪去。

捲入風波的Angelababy目前身在法國，未作回應，但有關方面麥肯廣告香港有限公司創作部亦已向學校發出道歉聲明，表示是拍攝時不小心用了該校校服及校徽，並在昨日即時刪改，強調跟Angelababy無關。

至於Angelababy為該網上遊戲於本月13日假迪士尼舉行的萬聖節活動，則未有因此取消。

必須探討o靚模

Angelababy校服風波獲解決，但周秀娜則繼續被轟。查小欣在《巴巴閉閉邊個夠我查篤撐》節目中繼續怒轟她說：「周秀娜係扯線公仔，科大應該請佢經理人講點樣睇準市場，捉緊宅男心態。科大係咪以通識為名，睇o靚模為實？係唔係以o靚模招生，要有句『睇o靚模呀？讀科大啦！』嘅口號！」

科大理學院院長鄭紹遠教授昨日以書面回應，講座旨在引起外界思考和討論周秀娜現象背後的深層意義，討論社會現象是合理，而且是應該和必須做的。主講嘉賓嶺大文化研究系教授李小良認為，o靚模熱潮是普及文化和值得探討的課題。

另外，周秀娜坦言在新戲《死神傻了》中亦有穿校服，她表示角色需要，不擔心有問題。

文：專案組