官恩娜入行六年，最近才被發現原來是唱得之人，現在總算苦盡甘來，不少歌手亦戥她開心。
恩師黃貫中：「最記得替Ella做監製錄音嗰晚，佢比我早到兩小時匿埋練歌，雖然佢天賦靚聲但仍肯付出努力，呢行好少見。有啲歌手恃住唱得好，唔會好似Ella咁有誠意同勤力。不過這證明香港人唔係靠對眼睛『聽』歌嘞！」
同輩歌手藍奕邦：「我同Ella屬同屆新人，所以一早知佢唱得，以前成日去新人巡禮唱live，有個節目叫新人互相投選邊個唱得最好、最穩定，我都係投Ella一票。依家佢嘅努力終於畀人發現，戥佢開心，無疑佢當晚確實唱出水準。」
前輩歌手古巨基：「都有睇番Ella唱歌段片，覺得佢唱得好好，唔單止係音準，仲好有感情，難怪阿Mark咁讚賞。一向都知佢唱得好，只係大家冇留意啫，希望佢快啲有新作品，再畀心機。」