雖然o靚模熱潮逐漸降溫，但肯搏肯露又抵用，成功搶去傳統模特兒工作，連帶電視台花旦亦受影響。碧兒、法拉和Ana R.昨日出席M.A.C金鐘廊專門店開幕禮時，碧兒與法拉同仇敵愾，對於o靚模入侵不放眼內。

除晒最性感

穿上tube-dress的碧兒貴為無綫前兩年的吸金女王，對於o靚模頂爛市，她暗寸道：「唔關事，大家形象唔同，其實我都未見過啲o靚模真人，睇到個名都唔知佢哋邊個打邊個。」她又指公司近年安排她到海外發展及拍廣告，o靚模出現對她沒有影響。

法拉亦覺得o靚模對她沒有威脅，她說：「啲o靚模都拍唔到電視啦，始終係唔同嘅，我哋好辛苦，佢哋淨係可以行吓騷！」法拉透露今次有六位數酬勞，十分滿意。問到穿上吊帶裙的她跟碧兒誰較性感？她打趣說：「我哋除晒衫就一定性感，哈哈！每個人都唔可以攞嚟比較！」

文：專案組