昨日下午，陳法蓉由兩位好友陪同接受ontv《娛樂 on Show》俞詠文獨家專訪，細說與「油王」男友朱明分手後這兩個多月的心情，她說：「我哋07年認識，拍拖一年，曾考慮結婚，但最後因性格不合分手，至今兩個幾月。其實係非常普通嘅男女感情事，但我被指墮色情陷阱，甚至話我愛富嫌貧、零工作等嫁豪門。」

心痛家人被騷擾

Monica愈講愈激動：「陳法蓉絕對冇墮色情陷阱，我一直努力工作自己搵自己使，能夠搵錢養自己養家係我嘅驕傲。」Monica續說：「我性格黑白分明，唔會驚冇面唔敢認，事實上冇啲咁嘅事。我係女人，拍拖分手梗係傷心。但見到朋友和70幾歲爸爸因此受到騷擾，爸爸冇埋怨，我更心痛。」

聲援朱明無失蹤

有傳朱明投資失利後人間蒸發，Monica卻坦言曾與他聯絡，她說：「分手呢兩個月都冇聯絡，見到報道後立即打電話畀佢，互相問候，知佢安好就收線。佢嘅私人事我唔講，總之證明佢唔係傳聞所講『失蹤』。」雖然分手不再是朋友，但Monica仍處處維護朱明。此外，好友朱茵及蔡少芬知道Monica早前感情生活不愉快都表示很關心。

文：專案組　攝：林蔚恩