城城與Mango的緋聞由香港傳到北京！內地媒體日前拍得他低調由杭州飛抵北京，與一神秘女子同出入酒店，深夜時分更轉到火鍋店消夜，「撐枱腳」撐足兩小時，不過，相片中發現城城的經理人小美也在場，但因該女子氣質及容貌很像Mango，自然令人大感興趣。

城城大讚吳澋滔愈大愈靚仔。

王秀琳：又關我事？（設計對白/資料圖片）

王秀琳未斷交

昨日城城、吳澋滔齊齊到山頂主持動漫人物阿童木蠟像揭幕儀式，早前城城被問及有關Mango的緋聞時反應頗激，故記者小心提及「北京緋聞」，城城只簡單的說：「我唔會回應嘅，應該話唔係事實嘅嘢我唔會回應。」另方面，Mango經理人接受本報電話訪問說：「唔會係Mango，佢喺香港，大陸記者誤會咗嘞。（佢同城城仲有冇見面？）佢呢排忙於錄音。（斷交？）仲係朋友，不過各有各忙。」

父子變成兄弟

城城與吳澋滔四年前合演《父子》，幾年未見，城城說：「佢好似我半個仔咁，佢高咗好多，但一樣靚仔，過幾日我哋一齊去東京出席首映禮，佢媽咪成日帶佢去東京食好嘢，佢應該熟路過我。」二人今次合作為電影配音，很有默契，城城期望雙方再結片緣：「下次唔做父子，最好演兄弟啦。」吳澋滔有興趣學跳舞，很想學Moonwalk，城城會否收他為徒？城城笑說：「唔使啦，都話我當佢半個仔嘞！」

入行以來城城首次為電影配音，當聞得該角色在美國由尼古拉斯基治聲演，日本方面則由役所廣司負責，能夠與兩位國際影帝級形成「鐵三角」組合，實在有意義。

文：影視組