關心妍（Jade）日前跟未婚夫楊長智外出被記者遇見，她為護夫前言不對後語，Jade坦言當時很突然，一度不懂反應，並已忘記說過甚麼，她說：「當時我哋睇緊BB車，而且有屋企人在場，反應唔到，都幾好笑。（睇BB車係咪有咗？）唔係，咁啱食完飯間餐廳隔籬係賣BB車先睇吓。」她又指未婚夫未習慣面對鏡頭：「男仔始終唔係好習慣做女藝人嘅另一半。」
問到婚禮籌備情況，Jade表示會於下月18日飛往峇里。由於婚禮延遲舉行，所以比原定的逗留時間較長，她笑言：「當地太陽好猛，我怕曬到黑晒。我哋要喺當地住成半個月，男仔曬黑就話Man啫，啲人叫我帶定面罩、遮同手套，我去到要蒙面先得。」
