前晚Moiselle舉行「A Mystical Moment」2009秋冬時裝展，今季服飾由品牌新任創作經理兼太子爺陳柏熹（Harris）設計，是他首個創作系列，阿Sa、鍾舒漫、江若琳及莊思敏等均有捧場。Harris更親自為好友何超盈設計一條全球獨一無二的「Sabrina Dress」。

阿Sa睇騷時表現精神。	放大圖片	鍾舒漫跟詩雅（右）亦有到場睇騷。

冇call白車

阿Sa被問到感冒有否好轉時，竟自爆看騷前一晚在家中暈倒，把母親嚇壞，她說：「我感冒食啲藥好勁，大約暈咗幾十秒，我醒番成身標冷汗，個心口紅晒，因為我媽咪係咁拍醒我，仲話我當時反白眼，以為我死。」阿Sa又指當時沒有叫白車：「我睇過醫生，話係Panic Attack（驚恐症），Body Check話冇事。今次可能我一路冇休息，病咗成個幾星期，尋日有得休息，個人放鬆咗就即暈。」

超盈與男友捧好友陳柏熹場，更獲對方特別設計裙子。

江若琳、丘凱敏及鍾浠文等盛裝出席時裝展。

想停工一年

問她鄭中基是否很擔心及有否致電問候，阿Sa只說：「OK啦！」她又自言經常暈倒，更曾在腦中閃過暫時休息的念頭，希望能放一年大假，但就未有向公司表態。她又表示現覺得身體好重要：「怕自己老咗要喺病床度過。（有冇想嫁人﹖）我未想嫁住，只係想休息。（叫鄭中基養﹖）女人唔可以靠人養，要有自己財富。」

文：名人組