應屆港姐劉倩婷、李姿敏及熊穎詩昨日到九龍城一間老人院作中秋節探訪，更與一眾長者玩遊戲。劉倩婷表示中秋節沒有工作在身，會與家人返番禺過節，她說：「嗰度唔係我鄉下，但都有好多親戚喺嗰邊，（屋企有冇長者？）有個八十幾歲嘅公公，平時有時間都會陪佢食飯。」問她以前在外國有否做善事，她坦言：「我喺英國助養咗一個非洲小朋友七年，付出少少又可以幫到人，好開心，有機會都會繼續咁做。」於外國返港參選的李姿敏及熊穎詩坦言很久沒有在港度中秋，到時會與家人賞月及吃飯。