謝天華與太太Tina之前受傳聞困擾，不過二人依期前往馬爾代夫度假，更手拖手甜蜜潛水，大晒恩愛，猶如再度蜜月般。天華謂：「其實我哋兩個都係啱啱考完牌冇幾耐，所以為安全起見，請咗個教練同我哋一齊潛水，我就唔緊張，不過老婆就緊張啲。」太太之前因空肚潛水入院，問今次落水前有否吃飽飽，天華笑言：「梗係食咗嘢先，仲唔怕咩！」

自由島主

天華更開心透露以數百元美金租了一個名叫「無人島」的島嶼四小時，二人更首嘗無拘無束的裸曬及做「島主」滋味。天華說：「嗰個島唔係好大，但就一個人都冇，之前會有人準備晒食物，夠鐘就會有船嚟接我哋，喺嗰度做乜都得，（有冇裸曬？）梗係有，喺其他地方真係冇機會，我仲將條千年泳褲印曬走添！依家全身嘅膚色都好均勻。」

懶理傳聞

問到之前的新聞有否影響二人旅行心情，天華坦言：「我哋一上飛機就冇諗嗰件事，完全放低晒香港嘅嘢投入呢個trip。」現時，天華於新西蘭擔任選美活動表演嘉賓，稍後返港隨即為另一活動表演跳舞。

文：影視組