名模姚予晴（前名姚書軼）大前日剛從上海返港，她悲傷地透露一手湊大她的外公日前在上海逝世，享年93歲，她說：「其實外公係老人病，初初膽有事，之後肺又有事，一直住深切治療部，媽咪初時唔同我講，擔心會影響我工作，近一個星期先知外公情況唔樂觀，我去探佢時，佢仲問我賺錢多唔多，見到佢受苦好心痛，雖然唔捨得，但對佢嚟講都係一個解脫。」
由於上海醫院的深切治療部規定每天只准家人探病半小時，每次只限一人，故姚予晴多次只能隔着玻璃探望外公，她說完成香港的工作後，便會趕往上海奔喪，至於之前接下的工作，部分亦要推掉，而男友曾智超亦會同行。