陳奕迅（Eason）昨日出席新城電台訪問，坦言前晚有主動打給側田，他說：「我嚇阿田話嬲咗佢，因為佢同曹格嘅新聞阻住我宣傳國語碟，搞到阿田即刻同我say sorry，我仲問阿田係咪買咗細碼帽？所以唔甩，阿田聽完都讚This Good Joke。」Eason表示因網絡大塞車，初時看不到側田與曹格的短片，當看到時更連睇三次，他覺得曹格的飛腳應該沒有踢中側田！
此外，對於有指日前他接受台灣傳媒訪問，提到與謝安琪的緋聞時黑面，Eason澄清當日以視像接受訪問，過程幾開心，相信是誤會居多。至於新國語專輯昨日在台灣推出，但台灣唱片公司竟給樂迷有五天退貨期限，他笑言：「會唔會對我過分有信心呢！」問到香港可會效法？Eason說：「最好唔好啦！（擔心畀人download完將碟退回？）唔係信唔信得過，覺得五日有啲盡啦，半小時好啦！」