洪天明事後死兜說：「我話細個玩嗰啲求婚咋！（秘密結婚唔認？）冇呀！希望大家體諒，正如我之前拍拖唔講，有時原因係未穩定、對方家長唔想，到畀人知嗰時都分咗手。（你講徐子淇？）唔好開名，總之係我以前拍拖經歷。我都想做好老公、好爸爸，想五年內結婚，想求婚時有咁浪漫得咁浪漫，不過冇得急。」

法拉要五卡鑽戒

法拉則說：「冇人向我求過婚，希望第時啲男仔花心思，大鑽石一定要有，要遮住手指嘅，五卡啦！我諗會嚇走啲男仔。（Neway太子爺買得起？）唔知邊個買得起，我都想遇到perfect man。（接受奉子成婚？）有ＢＢ唔係問題，但唔好為ＢＢ而結婚，本末倒置。我事業啱啱起步，本身又鍾意家庭同小朋友，係黐身媽咪，唔會捨得掉低ＢＢ，所以好難講幾時結婚。」

伍詠薇主動出擊

伍詠薇則示範女向男求婚，她說：「女士們見到Mr. Right不妨做主動，我都係向我先生求婚，幸福要自己爭取，我結婚十年都咁快樂，唔係扮出嚟，而係主動出擊，得來不易。」

文：影視組