張敬軒生長於廣州，並在當地「唱」出名堂，02年來香港發展，簽約環球唱片公司，正式在港「扎根」。回顧他的成名地，軒仔除有美好童年回憶外，更指廣州是美食及購物天堂，今次就由軒仔介紹他的廣州「酷愛」。
印象中軒仔是「廣州仔」，但其實他祖籍北京，只是他在廣州成長及出道，故軒仔早已視廣州是他第二個故鄉。談及他這個「發源地」，軒仔大讚廣州是個令人樂而忘返的好地方，皆因今日的廣州集古老、新潮於一「地」，可媲美香港。
軒仔話廣州有各式各樣的美食，而他至愛的美食，都是比較平民地道化，他說：「我每次返廣州都必食炳勝嘅冷拌魚皮、豉油王鵝腸，仲有陶陶居嘅蒸排骨同鳳爪，我都好鍾意蓮香樓嘅鞋底餅、雞仔餅，當然唔可以錯過銀記嘅腸粉啦。」
專攻音響器材
軒仔講完食，他亦推薦其至愛的shopping地，軒仔話最鍾意執平貨，最愛到陶街中的HiFi街流連「尋寶」，軒仔謂：「嗰度有一、二手，來自世界各地嘅音響器材、古董唱片，不過一定要講價，平過香港20%。」如果不喜歡聽音樂，又只愛買「貴嘢」，軒仔就會到環市路的酒店、金融區，他表示：「嗰度雲集世界各地美食、名牌，最重要係絕對唔係羅湖城A貨。」
衣錦榮歸開心
問軒仔在廣州最難忘的事，他不作他選的說是去年在廣州體育館舉行演唱會，他稱：「因為係出道七年第一次，嗰次我有衣錦榮歸嘅感覺，真係好開心，好有成就感。」
文：音樂組