本文重點
椋名凜（Rin）一向走性感路線，她私底下亦喜歡作野性的Cosplay打扮，最愛護士和貓女造型。她又否認有拖拍，透露曾被劈腿，故揀男友亦相當謹慎，花花公子no way。
Rin昨日收起性感，與2009年國際中華小姐冠軍苟芸慧為鞋騷擔任模特兒，二人分別以空姐及OL造型現身，又即場示範多款瑜伽甫士，Rin更做出拱橋和一字馬等高難度動作。
Rin表示因喜歡空姐的制服曾想過當空姐，問她可喜歡玩Cosplay？她說：「鍾意㗎，最鍾意學生、護士同貓女嘅造型。（有冇同男朋友玩過？）冇，淨係去卡拉OK時玩，Have fun only。」
苟芸慧同公司拍拖
早前有傳Rin有一名外籍男友，不過她就否認說：「我有好多朋友。（有發展機會？）我依家諗緊，不過我一定唔會揀Playboy類型，以前喺日本時，喺情人節嗰日發現我男朋友同咗我一個女仔朋友一齊，我喊得好傷心同覺得好Hurt，好憎情人節。」
至於苟芸慧就笑言正跟無綫拍拖，希望有多些機會嘗試不同類型的工作。而廣東話不靈光的她表示正努力學好廣東話：「我有讀報紙練習。」
文：名人組