高大威猛的陳豪是怕醜仔一名，動不動就面紅，揚言以前還有心跳加速及手震的情況，現已改進不少，自言甚少追女仔，莫非暗示與廖碧兒的緋聞是女追男？
昨日護膚品牌Clinique舉行發布會，陳豪與劉心悠在台上進行破冰儀式，出席嘉賓還有諸葛梓岐、楊洛婷、Jocelyn與老公等。陳豪在台上hard sell產品時不禁面紅，他謂從小到大都極易面紅：「我好怕醜，尤其對住女仔，讀書時啲女生唔信，即指住我叫我面紅，我就即面紅。（見到廖碧兒都面紅？）你哋叫我都會面紅，唔好講呢啲。」
食生蛋谷43吋胸
他表示以前還會手震和心跳加速，但現在已經可以控制到，只有面紅仍是不能自制，被笑指純情，他說：「做咗咁耐人仲點純情，我係純真。（面紅會影響追女仔？）唔會，我都好少追女仔。」
成功減肥三十磅的陳豪，表示是最成功的一次，因做健身，還大隻了不少。被問到廖碧兒可有讚他身形？他說：「冇人睇過㗎！（現在係咪最fit？）唔係，以前曾試過有43吋胸肌，嗰時一日食三隻生雞蛋嚟谷肌肉。」
心悠阿爸代送花
同場，劉心悠表示甚少收到男士送花，但節日必有花收，她說：「我同爹哋有協議，若嗰年情人節或生日冇人送花給我，爹哋就會代送。」不過她謂並不想有男友送花且不恨拍拖，被問到與台灣藝人張雁名傳緋聞，對方由台灣追求到香港，她澄清：「我哋係為部戲來港宣傳，大家千萬別誤會。」她又於另一活動中強調對方不是自己杯茶，因他年紀太細，劉心悠說：「報道出咗後搞到我好似恨嫁咁，其實我唔恨㗎！」
文：名人組