謝婷婷自從認與安志杰拍拖後，不再避忌談男友，昨日她出席Laneige活動，自言是一個浪漫女友，每日都會向男友說「我愛你」。被問到男友可曾做任何事令她感動，她說：「好小嘢就會感動，好似有時我做完嘢返屋企，佢買束花送畀我，就已經好開心，佢好細心，有時佢好專注咁打機，但當我有少少郁動，佢即時會問我需要乜嘢，佢幫我攞。」
與男友感情穩定的婷婷，被問到會否同居，她說：「暫時唔會，其實都冇乜分別，依家有時佢嚟我屋企，有時我去佢屋企，同埋佢依家喺內地拍緊戲，我遲啲都會拍戲。（你傾咗簽邊間公司未？）仲未落實，我諗今個月尾，或下個月頭，我都好心急。」
