昨日Theresa穿上背心及粉紅色短裙出席海港城舉行的「PSPgo手提遊戲機發布會」兼舉行生日會，大會更悉心為壽星女大搞驚喜，安排肌肉男、電車男、魔術男和翻版周杰倫等「四男」賀壽，Theresa見到「肌肉男」的澎湃胸肌笑言對方身材比她更好。而現場歌迷亦有為Theresa送上禮物，令她感動不已。

大批歌迷到場與Theresa慶祝生日，令她感動不已。	大會為壽星女大搞驚喜，安排「四男」為Theresa賀壽。	Kary出席活動時稱已SMS祝賀Theresa。

小肥錄短片祝賀

然後大會即場播出小肥和唐素琪的祝賀片段，至於屢傳不和的Stephy、小方聯同其他金牌大風歌手全部「冇影」，看來他們與Theresa友情真的「淡如水」，難怪盛傳Theresa不再續約。對於其他歌手「冇影」，Theresa未感失望：「唔緊要，自己生日收到最好朋友祝福已經好開心。（Stephy話生日打畀你嘅？）唔……（即係冇打啦？）咁今日生日都未過，未知嘅。」

Kary對公司有信心

至於Theresa的生日願望是事業順利，有新景象兼多添桃花運。問到新景象是否不續約金牌大風？Theresa未有否認說：「呢個問題點講好呢，遲啲再講啦。（對公司心淡？）唔係嘅，大家合作咗好長時間，都好多謝公司嘅栽培。（羨慕Miki轉咗新公司？）恭喜Miki有新發展，好替佢開心。」

而Kary（吳雨霏）昨日出席另一活動時，稱因工作忙碌，已有一排未見過Theresa，但已SMS祝賀她，對傳Theresa離巢，Kary稱會祝福她，最緊要是搵合適自己的路，而她將於年尾約滿，但對金牌大風仍充滿信心。

文：音樂組