即將舉行音樂會和演唱會的曹格，將於音樂會與觀眾分享其入行的風光和倒楣日子，他自爆最霉時期曾與友人夾錢買酒飲，亦試過患上憂鬱症和自暴自棄。
曹格邀得bma好友周麗淇、Soler及鄭融，為他擔任無綫收費電視音樂台《曹格 別具一格Super Show》的嘉賓。昨日曹格出席記招時，自稱會在音樂會與觀眾分享入行以來的人生經歷，包括風光和倒楣日子。
想邀學友任嘉賓
曹格說：「試過同創作人夾錢買酒飲。（冇錢都飲酒？）飲酒梗係唔好，唔可以太多，最緊要適量，以前唔識諗啫。以前經歷好恐怖，試過患憂鬱症同自暴自棄。」他透露十一月十四日在亞洲國際博覽館再舉行演唱會，屆時大唱天王天后的金曲，並想邀張學友任嘉賓。問到會否請王菲做嘉賓？他說：「未同佢合作過，佢好似好cool，睇報道佢冇笑嘅。（林憶蓮呢？）之後有機會合作。」
被鄭融奪港初吻
盡顯搞笑本色的曹格自爆與鄭融相識多年，在香港的初吻亦奉獻給對方，令在旁的鄭融一臉尷尬。問到會否在Super Show上重演？他笑說：「觀眾要咪做囉。」事後鄭融表示：「佢唔好嚇我呀，我都冇印象，佢一向都咁鬼馬。」
記者會上，Soler只得弟弟Dino出席，他指哥哥Julio陪媽媽覆診。而周麗淇亦沒有出席記招，bma宣傳人員表示周麗淇因發燒達一百零二度，全身冒汗兼無力，經診治後證實是普通流感，但需要吃特敏福，盡量不會到人多地方。估計周麗淇早前乘搭飛機，因機艙太焗致病，現留家中休息。
文：影視組