15歲已嘗初戀的G.E.M.，昨日出席護膚品牌活動時自言是一個有心思的女友，喜歡製造驚喜給男友，她表示：「我試過男朋友生日時，親手用雪條棍做咗一個摩天輪畀佢，摩天輪下面有個音樂盒，有一首情歌。佢4月20日生日，我仲特登用咗420元。（點解分手？）因為我考會考，佢考A-Level，大家都好忙，所以分咗手，之後都有見過面，不過佢已經有女朋友。」
現在單身的G.E.M.揚言好恨拍拖，她說：「咁樣會有個目標，喺節日諗啲特別嘅嘢送畀人。（陳偉霆有冇機會？）一定唔會，佢成日話我肥，任何人都可以話我肥，但男朋友就唔得。（因為關係好所以可以咁講你？）大家咁老友，我又唔介意佢咁講，佢同狄易達成日話我肥，激勵我減肥。」