古巨基自今年5月轉投英皇後，與新城關係終於破冰，雙方正式重修舊好。闊別新城兩年多的基仔昨日重臨舊地，連搵廁所都蕩失路，令他不禁笑說：「Long Time No See。」
當年仍是金牌歌手的基仔，因為在07年新城頒獎禮上失落「勁爆男歌手」獎項，令雙方關係冰封逾2年，基仔亦自此絕迹新城。但隨着基仔於今年5月過檔英皇，雙方終於冰釋前嫌。昨日基仔、徐子珊和G.E.M.出席「新城18巨星匯聚慈善音樂會」記者會，重臨新城的基仔與知訊台台長朱明銳合照，雙方一笑泯恩仇。
闊別兩年好新鮮
基仔坦言已有2年多沒來過新城：「對上一次都唔係叫知訊台，仲叫新城娛樂台。（破冰？）唔想圍繞呢個話題，唔係冰唔冰，只係Long Time No See。」基仔還打趣說：「今日搵廁所都唔記得方向，好有新鮮感。」音樂會將於9月30日舉行，但基仔當天原要去澳門為另一個騷綵排，為了支持新城，基仔表示會缺席綵排。
被嘲老唔覺尷尬
席間年僅18歲的G.E.M.大晒青春，說：「我會唱6年班時最鍾意嘅歌《友共情》（基仔主唱），當年好多同學都唱到喊。」令37歲的基仔哭笑不得。不過基仔表示不會感尷尬：「我覺得G.E.M.好好笑，同自己有得揮，都係咁好笑，我好想同佢合唱，佢喺新一輩歌手中唱歌好好。」
文：音樂組