劉德華昨晚跟張國立、唐國強等出席新戲《建國大業》慈善首映，除了導演張同祖、陳德森到場之外，英皇老闆楊受成亦有畀面出席，場面熱鬧。以一身中山裝示人的劉德華，主動走到記者群接受訪問，不過席間他表現極之拘謹，受訪時小動作多多，又不時手按胸口，對於婚訊他一律不作回應。

華仔月初在機場首度承認婚訊，直至昨晚再公開露面。	張國立（右）與唐國強在片中分飾蔣介石及毛澤東。	楊受成（右）出席首映，捧唐國強（左）及華仔場。

「心情冇事」

雖然劉德華表現並不自然，但他力撐心情冇問題，否認感到壓力，他說：「唔係，心情冇事。（嚟緊生日點過？）年年都係咁，同屋企人食飯，同fans搞party。（同朱麗倩人工受孕進展成點？）唔好問呢啲嘢。（喻可欣拍賣你送畀佢啲嘢？）唔答。（有報道指因為記者查你結婚啲嘢，所以先查到千嬅結婚喎！）冇打過電話畀千嬅、冇見過佢，都冇乜嘢吖，OK嘅。（有冇收到結婚禮物？）生日禮物就有，不過唔講。」

另外，在戲中分別飾演毛澤東與蔣介石的唐國強及張國立，對於是次演出未有感到太大壓力。

文：影視組