關心妍（Jade）昨日到旺角一間唱片店為首日推出的新碟做宣傳，下月將於峇里舉行婚禮的Jade，昨日有一對以「花仔花女」造型的小歌迷，向她送上一對椰子，又有歌迷送上嫁女餅及一對結婚公仔，氹得她十分開心。
Jade自爆過大禮的烏龍事：「我哋兩家人都唔識呢啲習俗，又買錯咗斷嘅蓮藕同爛薑，搞到烏龍百出。」不過她與未婚夫最擔心婚禮場地能否如期進行婚禮，因峇里剛發生強烈地震，而她仍未能聯絡到行婚禮的教堂和酒店。問到可有「後備」地點？Jade即大呼：「唔好啦，好辛苦先搞好晒近百親友嘅機票，不過其實最緊要當地人冇事。」
