容祖兒、蔡卓妍（阿Sa）、古巨基、泳兒、鄭融、方大同、張敬軒及王菀之等前晚出席《2009勁歌金曲優秀選第二回》，全晚十四首得獎歌中，英皇旗下歌手勇奪六首成當晚大贏家。

左起：泳兒、林峯、祖兒及阿Sa前晚出席頒獎禮，以祖兒的Deep V最搶鏡。	阿Sa與基仔做個有公德心的病人，戴上口罩出席活動。	基仔獻唱時「被迫」除口罩。

相信自己身材

阿Sa及基仔均抱病戴口罩出席頒獎禮，問到沒有戴口罩的祖兒可會擔心被傳染？她笑謂：「唔怕，頭先我仲坐基仔隔籬，我個人都唔會病，身邊個個都病但我點都冇事。嚟緊我仲要飛去福州做個中秋晚會，之後返嚟就要即刻籌備十周年演唱會。」

穿上Deep V裝出席頒獎禮的祖兒非常「峰」騷，問她可有做任何防走光措施？祖兒笑說：「我好信得過個場地，相信唔會有人扯我件衫嘅。（信得過自己身材？）都係呀，我都好信得過自己身材，因為着到咁都好似冇嘢睇。」

帶病出席的基仔表示懷疑因食物感染而發燒：「朝早起身已經發冷，之後入醫院先知燒到一百零三度，已經即時做流感測試，好彩唔係豬流感，不過為安全起見都抽咗血去驗，依家懷疑係食咗未煮熟晒嘅食物而感染。」

同是抱恙在身的阿Sa聲音低沉，獲大會體諒只需上台領獎而不用現場演繹得獎歌。阿Sa自言因疲勞過度兼交叉感染而病倒，她說：「因為連續幾晚為新戲開晚班，我兩個助手都先後病咗，懷疑係咁交叉感染。都想度期休息，但我之後又要飛，所以都好難。醫生為咗令我快啲好，所以開咗啲特敏福畀我。」

緋聞情侶張敬軒與王菀之同場演出。	放大圖片	鄭融一改狂野形象，以密實打扮出席節目。

阿Sa否認婚訊

另外，有傳阿Sa已答應鄭中基求婚兼戴上婚戒，阿Sa對此無奈表示：「根本就冇啲咁嘅事！當日另外都有傳媒影到我，當時我手指根本就冇戴戒指，唔可以咁屈我！唔想回應啲無中生有嘅事。（係咪雙方父親見面？）佢哋識得有幾奇？我爸爸又係做呢一行！」

文：影視組