半年前跟三奶Karen愛得要死的黃長發，分手後身邊女友如走馬燈換個不停，前晚在蘭桂坊被撞破溝女而躁狂，行為異常兼幼稚，跟阿發一起半年的Karen感受至深。
記者昨日告知Karen阿發的事，她說：「佢依家單身，做乜都得，佢同邊個拍拖唔關我事。（佢好躁狂？）佢自己行為唔檢點，人哋先影佢，係佢自己攞嚟，唔好再成日話人哋約記者去影佢。」
至於另一位與阿發關係密切的好友Christine，記者昨日致電她時，她一聽到有關阿發即表明立場說：「佢嘅事我冇嘢講，亦冇興趣知，佢畀人影到咪好囉，唔關我事。」
身為胞兄的黃長興，之前稱信任弟弟阿發沒有狂發SMS追椋名凜，但對阿發今次在蘭桂坊溝女出事，身在法國的長興笑說：「係咩？冇嘢嘅，佢都係玩吓啫，我唔擔心。」對弟弟絕對支持。