柯受良女兒柯立珍與夫婿周博軒前晚出席保時捷新車活動，已有一子的她再度懷孕，她喜孜孜地說：「有咗7個月，依家重咗35磅，11月尾係預產期，會擇吉日開刀。今次呢胎係女。（囝囝有冇呷醋？）佢知道係妹妹好妒忌，我哋同佢講爹哋媽咪錫晒你，但你要負責錫妹妹。」剛好湊成一個好字，問到是否可以收工時，周博軒即搶答：「第二胎都未出世，咁快就諗收工？囝囝今年3歲，都可算三年抱兩。（你好勤力。）多謝，趁太太年輕生多啲。（點獎勵太太﹖）繼續錫佢多啲。」