繼早前拍攝洗髮水廣告後，阿菲復出樂壇的聲音更是此起彼落，有傳多間唱片公司紛紛向她招手，當中以環球出價數千萬最令阿菲心動，而為了方便照顧一對女兒，阿菲還有意舉家搬回香港定居，不過隨着阿菲落筆簽約，令原本坐穩環球一姐位置的Kay亦要讓位，昨日伊人出席《細說名城．德國》宣傳活動時，對傳聞表示不知情，更說：「都冇收到公司通知，所以唔回應啦！」

王菲	Kay（右二）獲航空公司代表（右）高舉其名牌支持，伊人笑逐顏開。

合唱唔怕緋聞

對於在新碟中與緋聞男友陳奕迅（Eason）合唱勵志歌《青春無悔》，問到有否擔心被指搞噱頭，Kay說：「如果係就唱情歌啦！緋聞唔會成為我工作考慮之一。（第時上台唱怕唔怕畀人講？）冇得怕，亦冇諗住避，冇乜所謂啦！」而環球的黃劍濤則表示未有同王菲接觸過。

而早前遠赴德國拍攝特輯，令她感受到當地人友善一面，Kay指監製於拍攝期間遺失一隻價值廿多萬古董錶，沒想到最後也能失而復得：「執到錶嘅德國人企喺條街度等，觀察好耐先走去監製度問，搞到佢感動到喊。」

Eason 講唔停

此外，Eason前晚與經理人陳家瑛及一女友人於灣仔晚膳，至凌晨時分才離開，手拿Hermes手袋的陳家瑛似意猶未盡，還與Eason站於食肆門口滔滔不絕談話，期間雖然發現記者拍照，但兩人還友善揮手，及後才分別上車離開。

文：影視組