遭公司雪藏的趙碩之（Wylie）早前獲解封，前晚出席鞋騷時表示在老闆的生日飯局上被老闆訓示對外不可以講自己人，當問起同樣遭雪藏的尹晞（Yumi）為何未有出現飯局時，她即時向助手求救，一改以往口沒遮攔的作風。
趙碩之前晚身穿Tube Dress與江若琳、范姜及溫碧霞等出席Harvey Nichols舉辦的「Repetto 2009秋冬鞋履展」。日前有傳Wylie向老闆哭求復工，Wylie對此強烈否認，她說：「當日喺老闆生日Dinner上我同佢道歉，問佢有冇嬲我，佢話對外唔好講自己人，呢樣嘢我一直留意唔到。」
復工接拍兩片
Wylie續說：「我冇喊，我對道歉比較細膽，現場又多人，最後由戴夢夢同老闆嘅秘書撮合我同老闆合唱，合唱完我就同佢道歉。」
問到能早於Yumi出雪櫃，是否自覺比對方幸福？Wylie小心翼翼地說：「係啩！（有冇叫老闆放生埋Yumi？）我唔敢咁講，我都冇叫佢放生我，我幫唔到Yumi，要靠佢自己，希望佢快啲冇事。」
Wylie稱當日飯局也有邀請Yumi出席，但她卻未有到場，問到原因，Wylie為免講多錯多，即時轉向身邊助手求救，其助手指Yumi當日身體不適。Wylie不諱言現時說話要很小心。雖然復工不久，但已火速有兩部片約在手，包括一部賀歲片及為另一部電影擔任女主角。
江若琳被截胡
同場江若琳表示她有份主演的《關人7事》涉被另一部電影抄橋，她大感無奈：「我知道有啲唔開心，我哋上年開拍先，但畀人搶閘上映，對我哋有啲唔公平。」
採訪：名人組