鄺美雲前晚邀得陳煒、陳嘉容及陳嘉桓為她新設計的珠寶首飾擔任模特兒，而其愛犬Cash亦戴上刻有其名、掛上百多卡寶石的鑽石鏈出席。特地由台灣回港行騷的煒哥，笑言因老公到海外公幹故才接此騷解悶。問煒哥可有計劃生ＢＢ，她稱一直也在計劃中，只因丈夫工作太忙而遲遲未能實現，今次返香港她還趁空學詠春，因為年紀不小，希望對身體同第日生小朋友都有幫助！
鄺美雲則指股市下瀉未對其珠寶店造成影響，又指現時不少客人會找她替寵物設計首飾：「生意一直都唔錯，平日Cash都會幫我招呼客人，佢每次返公司就會戴住條鑽石鏈，好似佢嘅工作證一樣。」
