Joey昨日帶同師弟妹鍾舒漫（Sherman）、泳兒及鄭家維出席活動，同場還有薛家燕及Square等。Joey最近忙於在內地為國語專輯宣傳，笑言已忘記如何說廣東話：「唔記得點講廣東話，國語又講得唔好，但都有進步嘅。」Joey繼說：「去咗好多以前冇去過嘅地方，溫差都好大，要帶定兩季嘅衫。」

泳兒以超短褲上陣，笑言不敢走近台邊。	右起：鍾舒漫、泳兒及鄭家維一同出席活動。	男子組合Square在台上載歌載舞，落力演出。

要學分配時間

向來嗜辣的Joey更在重慶冒着四十度高溫嘗麻辣火鍋，她表示：「嗰度仲要冇冷氣，食完好似沖咗個麻辣涼咁，走嘅時候仲見其他男食客除晒上衫！」

Joey將留港數日為十月的表演作準備，又開始為下隻新碟積極覓好歌，她說：「真係要好好分配時間，上網同朋友聯絡，佢哋第一句就會問我喺邊。」

泳兒內地搵銀

泳兒最近亦頻頻到內地搵真銀，她透露：「本來有諗過買樓，不過依家都係想儲錢增值自己。下個月自己同媽咪都生日，反而要諗買咩畀媽咪。」至於Sherman將於22日出碟，唱片形象跟以往不同，令她有點擔心：「見歌迷喺討論區意見好壞參半，仲提議換封面都有打擊，不過自己都有心理準備喇。」

採訪：音樂組

攝影：鄭家俊