瑤瑤有份演出的《美女廚房》特別版明日起程到泰國取景，據知，鄭中基（Ronald）有意「甩底」作無聲抗議，梁炳也會齊齊抵制，原因是無綫昨晚錄影《勁歌金曲優秀選第二回》，金牌大風對賽果極度不滿，只得側田有歌得獎，連擔任《美女廚房》主持的方力申及梁漢文也雙雙捧蛋，有傳Ronald因此大發雷霆，覺得無綫「唔畀面」。
就此聯絡金牌大風CEO陳輝虹，他說：「唔會，係兩樣嘢嚟，我哋尊重無綫優秀選評審機制，惟有下次努力啲，Ronald一定會跟大隊拍外景。」
而《美女》監製錢國偉昨否認有此事：「我冇聽過呢個傳聞，梁炳唔去一早講咗係公司有事，Ronald啱啱仲打電話畀我問幾點機出發，點會唔去？佢係去頭三日，因為佢有工作在身要提早返，方力申就會去足全程。」