阿詩日前接受本報專訪，大談入行至今的逸事。對於現時娛圈風氣，她感慨地說：「舊時冇咁多古靈精怪嘢，依家點同o靚模鬥？成個氣候唔同晒，惟有移師到網上宣傳。（受o靚模影響？）太譁眾取寵喇！日日諗啲古靈精怪博見報，真係唔知點配合！」

進步才叫價值

入行十年的阿詩坦言已進入化境：「我好化㗎！只係每個人做法唔同，我係長線投資，唔係短炒股。」她認為每個藝人都有自己的價值，並不一定要日日上娛樂頭版才叫有價值，最重要是覺得自己有進步。

近日積極為新歌《金剛經》排舞的阿詩，早前成功開設網上直播室，目的希望與歌迷分享甜酸苦辣。日前更直播排舞過程，跳到滿頭大汗的阿詩還在鏡頭前整理頭髮，難道她不怕「真面目」被公開？阿詩笑說：「唔緊要啦，我都唔係靠樣搵食。依家單靠傳媒宣傳唔夠，所以將好多嘢擺上網。」

最佳宣傳途徑

阿詩指網絡世界（internet）非常大，只要上載一條短片，全世界人都可以看到，又可即時得知大眾反應，是最好的宣傳途徑。

採訪：音樂組

化妝：Arris Law

髮型：Heibie Mok@Hair Culture

服裝：Isabel Marant

場地：Prince Marco Polo Hotel