日前Ella抽空和助手及工作人員暢遊海洋公園，甫到埗Ella便前往熊貓館睇熊貓，但被大批遊客認出，紛紛要求和她合照留念。

Ella玩得太興奮，以手按着心口。

Ella玩過海盜船興奮得高舉雙手。

慘變人肉布景板

雖然Ella來者不拒，但遊客愈來愈多，最後更寸步難行，令Ella一臉無奈，最終要助手從人堆中拉走她，Ella扁嘴說：「我連熊貓都未睇到就要走，好慘呀，人哋一心要睇熊貓㗎嘛！」

之後Ella嚷着要玩海盜船，更拉着男工作人員陪玩，起初Ella上海盜船興奮非常，Ella亦玩得很high，表情多多、舉手狂叫、狀甚投入，但當船停頓下來時，Ella突然雙手按胸，並向助手說：「我個心跳得好快呀……」助手聞言即衝前扶着她並重複問道：「你冇事吖嘛？不如坐低抖吓啦！」

放大圖片	官恩娜本想睇熊貓，被遊客包圍合照至寸步難行，反變成人肉布景板。

龍精虎猛好貪玩

幸Ella休息一會後又再龍精虎猛，意猶未盡的她拉着男工作人員陪她再玩過山車，之後又獨自玩多次，認真貪玩。盡興完畢Ella自爆曾患心漏病，她說：「我好細個已經有呢個病，仲住咗一排醫院，不過依家已經好番。（又話心跳好快？）玩啲咁刺激嘅遊戲梗係心跳加速㗎啦，放心，我冇事喎，再玩多次都仲得。」

文：音樂組