18/09/2009

播放本新聞相關短片

狄易達愛心蛋糕箍女友

為迎開學,狄易達早前以一身校服look現身電台活動,大談「學生應否談戀愛?」,提起拍拖即面紅耳熱的達仔說:「講會怕醜嘛,但如果自己遇到鍾意嘅人會做主動,試過有女仔追,不過通常唔得啦。」達仔又言新歌《一天一粒糖》正反映其戀愛態度:「得閒會抽啲扭蛋,氹對方開心,其實放學送女朋友返屋企嘅路程已經好浪漫,(撒手鐧?)會做啲心思禮物,整吓蛋糕、曲奇餅,都係無價寶。」

此外,達仔透露將於11月開拍跳舞電影,不擔心與陳偉霆(William)主演的同類電影作比較,他說:「唔怕嘅,我嗰套應該會喺下年先上,都會去睇William嘅《愛出貓》,佢喺娛樂圈經驗比我多,好多嘢要跟佢學習。」