前香港小姐吳夏萍（Ellen）多年前已醉心馬術，大女賴楨敏（Jacqueline）及細女賴倩敏（Jasmine）亦受她感染，更成為了香港賽馬會青少年馬術隊的成員，其實Ellen為了在馬術方面培育兩名女兒成材，多年來也全心全意貼身照顧，可謂一名廿四孝母親！
現身在北京陪伴Jacqueline備戰十月尾全運會的Ellen自言是兩位寶貝女的「超級阿四」，不論安排訓練、購買參賽馬匹及照顧起居飲食等亦要一腳踢，雖然Ellen笑言自己身心疲累，像有三頭六臂一樣，可是多年來她從無怨言。
進軍亞運
照顧女兒雖然辛苦，但可喜的是Jacqueline於本月初在北京舉行的《二零零九全國馬術場地障礙賽》中奪冠而回，令Ellen大喜不已：「事前都有信心會喺三甲之內，今次仲係首次由香港選手同埋馬女贏得賽事，真係好開心，同埋好多謝咁多年嚟關愛Jacqueline嘅人，Jacqueline嘅抱負始終都係進軍明年亞運，為香港爭光！」
孝敬媽咪
對於Ellen多年來無微不至的照顧，兩位女兒也懂得在適當時候給她驚喜，Ellen表示：「有一次我帶兩個女去吉隆坡比賽，我同佢哋喺嗰邊行街但冇買到嘢，我同佢哋講啲錢用晒嚟買參賽馬，之後我見到個紫色嘅旅行篋好鍾意都冇買到。」怎料Jacqueline與Jasmine兩姊妹卻非常鬼馬，自己掏出私己錢買了那個旅行篋，更在回程時拿了出來送給媽媽，令Ellen感動不已！
文：影視組