歐錦棠早前與陳法蓉（Monica）合演舞台劇《霧夜謀殺案》，從未演過舞台劇的Monica，演出備受好評，令慧眼識英雄推薦Monica參演的阿棠感安慰。阿棠談到與陳法蓉合作這齣改編自著名推理小說家克莉絲蒂的舞台劇時說：「起初劇團諗咗好耐都決定唔到邊個做女主角娜拉，我記起二○○○年同Monica合作過一齣外地劇，我覺得佢可以演好娜拉一角，於是膽粗粗打畀佢，你知做舞台劇搵唔到錢，所以未必個個都有興趣，但Monica二話不說就答應做。」
問Monica表現如何？阿棠說︰「雖然佢未做過舞台劇，但表現令我同劇團，甚至好多劇壇前輩睇完都大讚。（幾時再合作？）Monica喺尾場演出之後，都話想再做舞台劇，但佢本身都有好多工作在身，但如果搵到機會一定會再合作。」