李卓庭（Eunix）不知不覺已入行兩年，她坦言入行後最不開心是犧牲了穩定的收入，令喜愛旅行的她沒有餘錢外遊：「初初入行完全冇收入，用晒啲積蓄，兩年以嚟都冇出過去玩，最遠都係去過廣州咋！不過我喺呢行見識咗好多嘢，所以都係值得嘅！」
Eunix現正全力練鼓，準備在即將舉行的音樂會上獻技，自打自唱《地獄少女》。
她自言最想克服的是心理問題：「我每次演出前都會好緊張，直頭瞓唔着覺，有幾次仲搞到腸胃炎添！呢個問題到依家都仲有，好似年初做舞台劇，雖然之前都做過兩個，但嗰次戲份重咗，我直頭緊張到一得閒就揸住份劇本係咁刨。」
