再戰江湖的張智霖決心擺脫孩子氣，除了改變形象，心態亦變得踏實，他謂：「我相信『Play Hard Work Hard』，每個人都需要玩，但係依家會專注工作多啲！」張智霖更做好準備，等候時機開演唱會。
今年重闖歌壇的張智霖，猶如走進冰鮮櫃，俊俏「孩子面」絲毫無損，故此刻意留鬚換形象，他說：「我想成熟啲，個人成長咗，唔留鬚你哋又話我似17歲，心態絕對係成熟咗，工作態度都唔同咗。（因為有頭家？）我覺得係責任，同時都係生命一部分，對工作會更加尊重。」
填詞痛苦
張智霖承認以前較貪玩，雖然仍信奉「Play Hard Work Hard」，認為每個人都需要玩樂，但對工作更重視、更投入，因此能親自為與胡杏兒合唱的《曾經深愛過》填詞，他顯得非常雀躍：「雖然填詞過程好痛苦，但係出碟係好個人嘅事，呢啲應該付出。」
希望攞獎
問張智霖是次回歸的野心，他二話不說謂：「開演唱會啦，爭呢瓣未做過，公司同我都有意思做，我有晒心理準備㗎啦！（目標？）10場8場都要㗎啦，愈多愈好！」再問他還恨攞獎嗎？張智霖笑一笑，擠出殺死人的小酒窩，說：「好呀，係件好美好嘅事，不過需要好多人努力，唔係我個人可以達成！」
會否擔心惹來狗仔隊「垂青」？張智霖坦言不介意被跟：「不過最好生活低調、工作高調啦！（都係影你同郭富城打邊爐啫！）都打咗幾年，唔係打邊爐就打桌球，可能因為職業，唔想惹事、唔想有不必要的騷動啦。」
文：音樂組
攝：司徒國榮
形象：I.T
場地：MegaBox CEO