周柏豪為配合新專輯《FOLLOW》，特別設計多件印有新碟名的T恤，更鬼馬地加個「Me」字，希望歌迷會跟隨着他。問T恤是否自己設計？柏豪說：「整衫係我諗嘅，但構圖只係畀咗少少意見。（係咪打歌服？）都係㗎，出席有關新碟嘅宣傳，都盡量着住佢。（唔洗？）唔會，我整咗十件到啦，應該夠替換。」
柏豪又透露歌迷見到打歌服後即向他投訴：「佢哋話點解唔用嚟做歌迷會衫，我咪解釋畀佢哋知係用嚟宣傳。（係咪歌迷會衫唔夠靚？）唔係啦，只係佢哋覺得新鮮想換啫。」問到完成新唱片宣傳，會否將打歌服送給歌迷？他笑說：「冇人想要啩！」
