辛勞了一天，江若琳最開心是回家喝母親的湯水，她說：「因為入咗娛樂圈後，經常都通宵工作，有時出埠拍戲成個月唔喺香港。好在媽咪知我辛苦，知道我邊晚會返屋企，都會煲定靚湯畀我飲，無論我幾攰都會飲埋愛心靚湯先會瞓。」

而大家平時見江若琳出席活動的靚衫，其實是她母親每次幫她執拾、洗燙及放入衣櫃：「大家睇到呢個櫃係冰山一角，係咪都幾整齊呢。另外，因為我經常要出埠工作，所以屋企準備定大量旅行篋，唔同尺碼唔同款式，方便長途同短途旅程。」

另外，江若琳的七歲北京狗「旺旺」更是她心肝寶貝：「旺旺好乖，每次返屋企一開門，一見到我就撲埋我度撩我玩。有時辛苦咗一日返到屋企，就算好攰我都會同佢玩一陣先瞓，如果唔係佢會喺我房門不停叫㗎。」

江若琳每次都會安坐自己的餐桌位置，喝母親的愛心靚湯。

旺旺相當精乖，是江若琳的寶貝。