由寰宇電影製作，彭發導演及江若琳主演的《關人7事》，去年11月開鏡，先後獲邀香港亞洲電影節閉幕電影及赴韓國忠武路國際電影節參展，計劃本年11月推出，突然發現另一部極為類似的美亞電影作品《死神傻了》搶先在10月8日上映，該戲導演為邱禮濤、監製伍健雄，兩戲相同演員包括周秀娜、陳偉霆、小肥、趙碩之及鄭融，可謂撞到應一應。

影響新演員

昨日寰宇老闆林小明與彭發導演直斥圈中竟然有此情況出現，林小明說：「出現同樣題材，八成相似演員，當中梗有原因，我心中有數，以後都唔會同呢啲人合作。」彭發亦說：「我哋發現咗主動打畀美亞，睇吓可唔可以協調分唔同時段上，點知佢哋7月開鏡，突然趕喺我哋前面上映。」林小明十分氣憤地說：「就睇吓佢哋收幾多（票房），咁做法對新演員影響很大！」

咁啱得咁蹺

《死》監製伍健雄被問到兩片似到足，他說：「唔關事！咁啱啫，唔係刻意，（做乜唔肯夾期？）大家做生意，發行嘅嘢無得傾，無可能問晒所有公司，青春演員都係咁上下，夠有套《我要做G模》啲演員都好似，唔通叫人唔好開咩。」至於《死》片導演邱禮濤則表示沒有了解過《關》片，起用這些演員因為人氣的考慮。有份參演兩戲的趙碩之表示她於兩片均有殺人橋段，至於小肥亦表示雖然兩戲角色不同，但演員卻大部分一樣。

另外，江若琳與余文樂早前合作講述社團故事新片《同門》於深水埗取景，遇上真社團人士前來踩場，江若琳被嚇得花容失色，阿樂力勸她上保母車休息，經報警平息風波，回想事發情景，江若琳不諱言好彩阿樂喺度。

場地：GAEA

文：影視組