麥浚龍（Juno）昨日推出全新專輯《天生地夢》，並於銅鑼灣鬧市舉行「麥浚龍‧天生地夢‧EP慈善下載活動」，歌迷只需捐出二十元或以上，便可下載Juno三首新歌，而所籌得善款將全數撥捐「紅十字會」作台灣賑災之用，Juno昨日在活動上積極呼籲歌迷捐輸，反應熱烈。
Juno亦透露稍後接拍電影，為了角色需要，現已開始留長頭髮：「我依家用緊增長頭髮嘅洗頭水，仲一日洗三次頭，不過我覺得啲腳毛長過啲頭髮，仲可以做埋負離子添！」
另外，Juno自爆最近經常港、日兩邊飛，所以跟緋聞女友阿嬌（鍾欣桐）亦減少了聯絡，不過其身邊同事則相當有心，經常告知他阿嬌行蹤，所以Juno對阿嬌近況可謂瞭若指掌，Juno更表示：「阿嬌依家籌備緊新碟，我會支持佢！」