《2009亞洲小姐競選》（港澳賽區）十二位佳麗昨接受形態顧問Ana R.的Catwalk訓練，佳麗清一色低胸Tube Dress上陣，其中王希瑤因有模特兒經驗，表現較佳，反觀籃球小將林紫君動作生硬，成手下敗將。

(2)王希瑤行貓步，表現駕輕就熟。	Ana R.（右三）教佳麗行貓步，其中(2)王希瑤（右二）因有模特兒經驗而表現較佳。	(4)魏萱嬅（左起）、(10)楊凌智、(6)陸瑞汶、(9)鍾維，質素平均。

學過易上手

擁有34-24.5-35三圍的王希瑤亦承認自己有着數：「喺台灣有過Catwalk訓練，好懷念以前軍隊式生活。（Ana R.教嘅有咩唔同？）佢嘅動作好靚，台灣嘅就乖啲，冇咁活潑，新加坡嘅就狂野啲，每個地方唔一樣。（行得好信心大咗？）有學過係易上手啲，其他佳麗都好。（幾時會行得狂野啲？）睇場合同衣着啦！（今日咁性感唔狂野啲？）大家都靚，服裝造型好犀利，令到每個人嘅效果都好好。」

繼續打籃球

三圍數字35.5-26-37一點也不遜色的林紫君，無奈承認自己生硬，她笑言：「第一次行嘛，Ana R.有教我對住鏡嚟改善。（會唔會暫停打籃球？）都會打少啲，一星期打一、兩次啦，我好鍾意，好難唔打。（你今日『輸波』喎？）好尷尬喎，唔識答。」

文：影視組