鍾麗緹（Christy）懷了第三胎，預產期是下年農曆新年期間，明年大年初一是二月十四日，剛巧是情人節，她希望BB可以喺這個特別日子出生，不過Christy強調不會擇日開刀，因為她贊成自然生產，認為一切是上天安排。
保持神秘感
挺着大肚子回港的鍾麗緹，精神飽滿，相距第二個女兒Jaden不足一年又懷孕，被取笑與老公好勤力，Christy只是哈哈笑：「呢個係上天安排，有小朋友係好開心㗎！」她透露二女兒十分活躍，冇時停，又會蝦家姐Yasmine，不過就黐老公嚴錚（Jon）多啲，今次懷孕，朋友都指她懷得靚，多數是仔，她自己也希望是仔，但事前不會去check性別，保持神秘感。
執筆談經驗
年屆三十九歲Christy，依然keep得身段苗條，體重只增加在肚的部分，情況一如陳慧琳，她透露都有留意陳慧琳情況，但自己就靠運動與飲食維持，她透露：「我成日做訪問，好多人都問我點樣keep，我寫落嚟可以分享經驗，如果可以幫到人幾好呀。」Christy作為人辦之餘，更會讓老公Jon分享經驗，讓人知道如何照顧孕婦及BB。
文：影視組