黎明（Leon）與樂基兒（Gaile）拍拖三年、去年3月正式拉埋天窗。「黎基戀」以來二人表現一直甜蜜，是圈中的模範情人。
「黎基」05年爆出戀情，同年12月Gaile被拍得買白色大氣球為愛郎慶生，她全程笑到四萬咁口；同月二人又被拍得甜蜜遊船河，黎明更伸出天王之手攙扶Gaile上船，轟動一時。
06年，黎基又被拍得外遊後恩愛回港，雖然二人刻意前後腳出閘，但Leon為女友「降呢」推行李，成為不少人茶餘飯後熱話。至去年3月，「黎基」傳出婚訊，二人分別於港、台作出回應，雖然沒有親口證實婚訊，但從Gaile甜到漏的笑容，可見到幸福二字！
