本文重點
貢米無懼八號風球，跟朱永龍到尖東出巡睇「風」景，但由於風勢太強，二人被吹得「人仰傘翻」，好不狼狽。不過貢米一於冇有怕，在雨中擺甫士影相，認真膽生毛。
有「山寨版栢芝」之稱的貢米，來港四天竟碰上颱風「巨爵」襲港，她無懼狂風暴雨，前晚十時許與監護人朱永龍現身尖東，貢米見樹木斷枝被風吹起時更表現興奮，朱永龍立即掏出相機為她拍照留念。
二人其後到便利店購物，付錢準備離開之際雨勢加劇，朱永龍即發揮紳士風度，取出雨傘為貢米擋雨。不過未幾雨傘被吹翻，朱永龍更被烈風吹到倒退幾步，情形相當狼狽，在旁的貢米見狀即翻起衣服的帽子，但不消一會帽子又被吹掉，二人惟有急步到附近避雨。
11月再襲港
記者昨日致電朱永龍，談到與貢米的狼狽相，他不禁失笑謂：「佢第一次嚟香港，我又有四、五年冇返過嚟，估唔到會遇到颱風，本來想帶佢出嚟『見識』吓嘅，點知狂風暴雨真係唔講得笑，混亂中仲有個神主牌唔知喺邊度吹埋嚟，我差啲踩咗上去呀，好彩我眼明手快執番放埋一邊，咪跟手拜拜囉。」
據悉貢米將於今天離港到橫店拍劇，她會於十一月左右再次來港宣傳，希望屆時有機會到主題公園遊玩一番。
文：影視組