Niki、吳雨霏（Kary）、鄭融及HotCha等歌手昨日現身屯門出席公開活動。心情大靚的Niki對記者有問必答，但當問到盛傳鄭嘉穎和佘詩曼分手，Niki即斬釘截鐵說：「唔答！」再問她有關關心妍暗寸千嬅缺席正生音樂布道會沒義氣有何意見時，Niki謂：「我唔知，唔回應為妙，又唔關我事，我想護住把聲！」

大批fans到場支持周麗淇。

周麗淇拒回應有關鄭嘉穎與佘詩曼分手報道。 （資料圖片）

爆孫耀威就住唱歌

當提到孫耀威喉嚨爆血管及鼻子生瘤，Niki即滔滔不絕。她透露前日與孫耀威見面：「我同佢喺保良騷有一part合唱，見佢都好似就住就住咁。（有傳佢因病退出娛樂圈。）吓？係咪傳媒誇張咋？」再問Niki是否知道孫耀威與陳美詩傳拍拖？她亦以養聲為由，不回答別人的事。

Kary貪型學電單車

同場的Kary自爆曾瞞雙親考電單車牌，她說：「雖然初頭覺得揸電單車危險，但真係好型，所以的起心肝去學！」Kary表示男友洪立熙沒有車牌，也不會叫對方送車給自己：「我自己有能力買，仲睇中咗一架懷舊嘅電單車。（同男友遊車河？）第一年唔可以車人㗎，況且我都唔夠膽。」

文：音樂組