早前周秀娜派雪糕宣傳寫真集，被方中信明寸不如去賣「一蚊雞」。前晚二人出席派對，方中信被重提寸周秀娜的言論時，他改口讚對方：「每個人角度唔同。佢依家做嘢幾好，加把勁，總之用心啲。（對佢改觀？）唔知，傳媒咁標榜佢，一定有嘢值得寫。（你贊唔贊成佢賣性感？）我係以父親角度去睇，我唔會畀個女咁做。做呢行嘅父母，超過一半都唔想子女做呢行。從演員角度睇，傳媒日日畀個版面佢，佢一定有付出。」方中信自言與對方碰面不會尷尬，就算尷尬也只因年齡懸殊。

女士心中型男

穿上背心熱褲到場的周秀娜成為全場焦點。雖然曾被方中信寸，她亦表示碰面不會尷尬，並說：「我向來覺得佢好有型，我有睇佢做嘅電影，佢係女仔心目中型男。多謝佢留意我。（佢話唔會畀自己個女行性感。）每個人想法唔同，我爸爸好錫我，會支持我嘅決定。」她與方中信在大會安排下，大方合照「泯恩仇」。

否認貼錢行騷

另外，有報道指周秀娜不收分文兼「貼錢」到日本行騷，她否認說：「有酬勞，我雖然平時都有做慈善，但今次唔係慈善騷。如果話我去完日本返嚟可以買層樓，你都會話我誇。」對於王友良指她的日本經理人公司並不出名，周秀娜認為與經理人合作，最重要獲對方愛錫。她又稱下月會再到日本，稍後又會在港接拍一套電影，但詳情未能公布。

文：名人組