前晚Hong Kong Tatler於君悅酒店舉行餐舞會，大會即場頒發鑽石大獎與最時尚女性獎項給李兆基與何穎雯，但由於李兆基未能出席，由兒子李家誠代領。身穿大露背拖尾長裙的徐子淇陪同老公李家誠到場，見她身形回復苗條，她笑言多得湊女辛苦所賜。

放大圖片	放大圖片	Jacob & Co.大中華區代理丘雪祺（右二）頒發鑽石大獎予李兆基，並由李家誠（中）代為領獎。

家中扮奸角

子淇表示：「我覺得塊面少咗baby fat，可能湊女湊得辛苦，尤其是要湊兩個。我鍾意自己湊，唔想佢哋跟工人同助手。（抱女抱到麒麟臂？）湊女應該會瘦，好似做gym。不過佢哋好好湊，兩個都唔鍾意人抱，大女寧願落地行，細女就鍾意瞓喺床。」她又指自己在家中扮演奸角，說：「老公就同佢哋玩，我就負責鬧！」

張天愛跟丈夫出席晚宴，透露剛完成右眼白內障手術。

趙式明仍是單身。

身圓有肚腩

談起四個多月大的細女晞兒，子淇透露她重達十七磅幾，還笑女兒肥得像鄭則士一樣：「我都唔知點解佢咁肥，個身好圓，又有肚腩，好cute！」她又表示已為細女報讀music class，訓練女兒的音準。

出席晚宴的還有趙式明、趙式浩與張天愛夫婦等，趙式明表示尚未遇到真命天子，問她是否寄情工作而找不到男友？她謂：「只係遇唔啱！（怕唔怕人哋話你公主病？）我都冇！」

文：名人組