待嫁新娘黃婉君（Rosanne）昨日在網誌上晒幸福，自爆搜羅完美珠寶作大日子之用，身在新加坡的她接受本報電話訪問說：「昨日去Chanel活動睇中一條鏈結婚用，不過太長，依家要訂造一條短啲。（好貴？）唔方便透露。」Rosanne表示婚期暫定年底或明年１月。
此外，Rosanne妹妹黃婉佩（Race）昨日以豹妹look出席活動，她透露將擔任伴娘，正為籌備姐姐婚禮事宜煩惱：「家姐訂造公主型婚紗，時間好趕，場地、蛋糕都未搞掂。（咁趕有ＢＢ？）絕對唔係。」問Race想唔想結婚？她說：「冇呢個衝動，怕畀人催生仔。」
